புதிய செயலியை அறிமுகம் செய்த தேசிய பங்குச்சந்தை! NSEIndia ஆப் இனி உங்கள் ஸ்மார்ட்போன்களில்

NSE, BSE பங்குசந்தை நிலவரம் பற்றி அறிந்து கொள்ள அதற்குரிய இணையதளம் வாயிலாகவோ, அல்லது Zerodha, Upstox, Groww போன்ற தனியார் இடைத்தரகு வர்த்தக நிறுவனங்களின் வாயிலாக அந்நிறுவனங்களின் மொபைல் செயலி வழியாகவும் பங்குச்சந்தை நிலவரத்தை அறிந்துகொள்ளலாம்.

இச்செயலியானது, பிரதான மொழியாக ஆங்கிலத்தை கொண்டு செயல்பட்டாலும், தமிழ், ஹிந்தி, அஸ்ஸாமி, பெங்காலி, கன்னடம், மலையாளம், ஒரியா, பஞ்சாபி, தெலுங்கு, மராத்தி மற்றும் குஜராத்தி ஆகிய 11 பிராந்திய மொழிகளிலும் செயல்படும்படி வடிவமைக்கப்பட்டுள்ளது.

இந்த செயலியில், பங்கு சந்தை குறியீடுகள் (ஏற்ற - இறக்கங்கள்), சந்தை மதிப்பீடு, சந்தையின் போக்கு, நிஃப்டி 50-ல் (டாப் 50 நிறுவனங்கள்) லாபம் ஈட்டியவர்கள், நஷ்டமடைந்தவர்கள் , நிறுவனங்களின் பங்கு விலை, குறிப்பிட்ட பங்குகளுக்கான தேடல், தனி கண்காணிப்பு பட்டியல்கள் என பல்வேறு உள்ளடக்கங்கள் இதில் இடம்பெற்றுள்ளன.

NSE-ன் தலைமை வணிக மேம்பாட்டு அதிகாரி ஸ்ரீராம் கிருஷ்ணன் இந்த செயலி பற்றி கூறுகையில்," NSE செயலி வெளியீடு என்பது NSE செயல்பாட்டில் ஒரு மைல்கல்" என்று கூறினார்.

மேலும் அவர் கூறுகையில், “எங்கள் புதிய மொபைல் செயலி மற்றும் எங்கள் அதிகாரப்பூர்வ இணையதளத்தை 11 பிராந்திய மொழிகளில் விரிவுபடுத்தியுள்ளோம். அதில், எளிதில் அணுகக்கூடிய அளவில் நிதிச் சூழலை கண்காணிக்கும் பல்வேறு உள்ளடக்கங்களை அதில் அறிமுகம் செய்துள்ளோம்.

இந்த முயற்சிகள் முதலீட்டாளர்களுக்கு சந்தை தகவல்களை அவர்களின் தாய்மொழியில் கிடைப்பதற்கு வழிவகை செய்யும் வகையில் வடிவமைக்கப்பட்டுள்ளது. இதன் மூலம் அனைத்து NSE முதலீட்டாளர்களும் NSE நிறுவனங்களின் பின்னணியை அறிந்து இந்தியாவின் பொருளாதாரப் பயணத்தில் நம்பிக்கையுடன் பங்கேற்க முடியும் என்பதை NSEIndia உறுதிசெய்கிறது. இதன் மூலம், ஒவ்வொரு தனிநபருக்கும் பங்குச் சந்தைகளை எளிதாக கொண்டு செல்வதில் நாங்கள் பெருமிதம் கொள்கிறோம்." என்றும் ஸ்ரீராம் கிருஷ்ணன் கூறினார்.