RRB-க்கள் தொழில்நுட்ப வசதிகளை மேம்படுத்த வேண்டும்! நிர்மலா சீதாராமன் அறிவுறுத்தல்!

இந்த ஆலோசனை கூட்டத்தில் பிராந்திய கிராம வங்கிகளுக்கு (RRB) நிதியமைச்சர் பல்வேறு அறிவுறுத்தல்களை வழங்கினார். RRB-க்கள் தங்கள் செயல்திறனை மேம்படுத்திக்கொள்ள தொழில்நுட்ப முன்னேற்றத்தில் கவனம் செலுத்த வேண்டும் என கூறினார். 

மேலும் , RRBக்கள் தங்கள் வணிக செயல்திறன், புதிய கடன் சலுகைகளை மதிப்பாய்வு செய்த தங்கள் வளர்ச்சியை ஊக்குவிப்பதில் முக்கியத்துவம் அளிக்க வேண்டும் எனவும், விவசாயம் மற்றும் சிறுகுறு தொழில்துறைகளுக்கு கடன் உதவிகளை அதிகரித்து தங்கள் வணிகத்தை விரிவாக்க வேண்டும் என்றும் நிதியமைச்சர் இந்த ஆலோசனை கூட்டத்தில் வலியுறுத்தினார்.

சுயதொழில்களை மேம்படுத்துவதற்கான ஒரு மாவட்டம் ஒரு தயாரிப்பு (ODOP) எனும் மத்திய அரசின் திட்டத்தை மேம்படுத்த RRBக்கள் உதவ வேண்டும் என்றும், அதற்காக மகளிர் சுயஉதவி குழுக்களுக்கு பயிற்சி அளிப்பதோடு மட்டுமல்லாமல் அதனை சந்தைப்படுத்தலுக்கான உதவிகளையும் வழங்க வேண்டும் என RRB வங்கிகளுக்கு நிதியமைச்சர் நிர்மலா சீதாராமன் அறிவுறுத்தினார்.

RRBக்கள் தங்கள் செயல்திறனை மேம்படுத்த தொழில்நுட்ப சேவைகளை  வளர்த்து கொள்வது முக்கியம் என வலியுறுத்தினர். ஒருங்கிணைந்த RRBக்களின் CRAR (Capital to Risk (Weighted) Assets Ratio) ஆனது 2022 நிதியாண்டில்  7.8%ஆக இருந்தது. இது 2024 நிதியாண்டில் 9.4%-ஆக உயர்ந்துள்ளது. அதே சமயம் மொத்த NPA (non Performing Assets) 2022 நிதியாண்டில் 25%இல் இருந்து 2024 நிதியாண்டில் 15%ஆக  குறைந்துள்ளது. 

கிழக்கு பிராந்தியத்தில் உள்ள RRBகள் 2023 நிதியாண்டில் 690 கோடி ரூபாய் நிகர இழப்பை சந்தித்துள்ளன. அதே நேரம், 2024 நிதியாண்டில் ரூ.625 கோடி ஒருங்கிணைந்த லாபத்தை ஈட்டியுள்ளன என்றும் மத்திய நிதியமைச்சர் நிர்மலா சீதாராமன் கூறினார்.