குடும்ப மருத்துவக் காப்பீடு என்றால் என்ன? முழு விவரம் இதோ!

ஏன் இது முக்கியம்?

எப்படி இந்த காப்பீடு வேலை செய்யும்?

நீங்கள் ஒரு காப்பீட்டு நிறுவனத்துக்கு ஆண்டுதோறும் ஒரு குறிப்பிட்ட பணம் (பிரீமியம்) செலுத்துவீர்கள். எடுத்துக்காட்டு: ரூ. 15,000 ஆண்டுக்கு. அதற்கு பதிலாக, உங்கள் குடும்பத்துக்கு ரூ,10 லட்சம் வரை மருத்துவ செலவுக்கு காப்பீடு தருவார்கள்.

பணமில்லா சிகிச்சை: காப்பீட்டு நிறுவனத்துடன் இணைந்த மருத்துவமனைகளில் பணம் கட்டாமல் சிகிச்சை பெறலாம். காப்பீட்டு நிறுவனம் நேரடியாக மருத்துவமனைக்கு பணம் செலுத்தும்.

பணம் திரும்ப பெறுதல்: காப்பீடு இல்லாத மருத்துவமனையில் சிகிச்சை எடுத்தால், பில்களை சமர்ப்பித்து பணத்தை திரும்ப பெறலாம்.

எப்படி வாங்குவது?

குடும்ப மருத்துவக் காப்பீடு வாங்குவது மிக எளிது. இப்போது எல்லாமே ஆன்லைனில் செய்யலாம். இருப்பினும் அதனை படிப்படியாக பார்ப்போம்.

1. உங்கள் குடும்பத்தின் தேவைகளை புரிந்து கொள்ளுங்கள்

உங்கள் குடும்பத்தில் எத்தனை பேர்? (எடுத்துக்காட்டாக  நீங்கள், மனைவி, 2 குழந்தைகள்)

அவர்களின் வயது என்ன? (குழந்தைகள், மூத்தவர்கள் இருந்தால் அதிக காப்பீடு தேவை)

யாருக்கு நீரிழிவு, ரத்த அழுத்தம் போன்ற நோய்கள் உள்ளனவா?

இதை தெரிந்து கொண்டு, ரூ.10 லட்சம் அல்லது ரூ.15 லட்சம் காப்பீடு எடுப்பது நல்லது.

2. நல்ல நிறுவனத்தை தேர்ந்தெடுங்கள்

தமிழ்நாட்டில் இந்த நிறுவனங்கள் நல்ல காப்பீடு தருகின்றன:

Star Health (www.starhealth.in)

Tata AIG (www.tataaig.com)

ICICI Lombard (www.icicilombard.com)

எதை தேர்வு செய்ய வேண்டும்?

ஸ்டார் ஹெல்த், டாட்டா ஏஐஜி, மற்றும் ஐசிஐசிஐ லோம்பார்ட் ஆகியவற்றில் எதை தேர்வு செய்வது உங்கள் தேவைகளைப் பொறுத்தது. ஸ்டார் ஹெல்த் மலிவு விலை திட்டங்களை விரும்புவோருக்கு பொருத்தமாக இருக்கலாம், ஆனால் உரிமைகோரல் ஆதரவு மற்றும் வாடிக்கையாளர் சேவையில் சிக்கல்கள் உள்ளதால், விதிமுறைகளை கவனமாக பரிசோதிக்க வேண்டும். 

டாட்டா ஏஐஜி உயர்ந்த உரிமைகோரல் தீர்வு விகிதம் மற்றும் உலகளாவிய காப்பீடு வசதிகளுடன், முழுமையான காப்பீடு தேவைப்படுவோருக்கு நல்லது, ஆனால் சில சேவை தாமதங்கள் உள்ளன. ஐசிஐசிஐ லோம்பார்ட் நெகிழ்வான திட்டங்கள் மற்றும் கூடுதல் வசதிகளை வழங்குகிறது, ஆனால் வாடிக்கையாளர் புகார்கள் அதிகம். மருத்துவமனை செலவு, உரிமைகோரல் செயல்முறை, மற்றும் நம்பகத்தன்மையை கருத்தில் கொண்டு, டாட்டா ஏஐஜி மற்றும் ஐசிஐசிஐ லோம்பார்ட் ஆகியவை ஸ்டார் ஹெல்த்தை விட சற்று நம்பகமானவை. உங்கள் தேவைகளை ஒப்பிட்டு, நிபந்தனைகளை முழுமையாக படித்து தேர்வு செய்யவும்.

அல்லது www.policybazaar.com என்ற இணையதளத்தில் இந்த நிறுவனங்களின் திட்டங்களை ஒப்பிட்டு பார்க்கலாம். இது ஒரு கடை மாதிரி, எல்லா காப்பீட்டு திட்டங்களையும் ஒரே இடத்தில் காட்டும்.

 ஆன்லைனில் வாங்குவது எப்படி? 

எந்த நிறுவனத்தின் இணையதளத்திற்கு சென்றாலும், “Family Health Insurance” என்று ஒரு பகுதி இருக்கும். அதை கிளிக் செய்யுங்கள்.

உங்கள் பெயர், வயது, குடும்ப உறுப்பினர்களின் வயது, மொபைல் எண்ணை உள்ளிடவும். எவ்வளவு காப்பீடு வேண்டும் (எடுத்துக்காட்டாக  ரூ.10 லட்சம்) என்று தேர்ந்தெடுங்கள்.

அவர்கள் ஒரு பிரீமியம் தொகை (ஆண்டு கட்டணம்) காட்டுவார்கள். எடுத்துக்காட்டாக ரூ.15,000-ரூ20,000. வரை 

உங்களுக்கு பிடித்திருந்தால், ஆன்லைனில் கார்டு/யூபிஐ மூலம் பணம் செலுத்தி வாங்கலாம். காப்பீட்டு ஆவணம் (Policy Document) உங்கள் மின்னஞ்சலுக்கு வந்துவிடும்.

4. தேவையான ஆவணங்கள்

பெரும்பாலும் ஆன்லைனில் வாங்கும்போது எளிதாக இருக்கும். ஆனால், சில சமயம் இவை கேட்கலாம்:

ஆதார் அட்டை

உங்கள் குடும்பத்தின் வயது, 

மருத்துவ விவரங்கள்

முன்பே நோய்கள் இருந்தால், அதற்கான மருத்துவ ஆவணங்கள்

5. முக்கியமாக பார்க்க வேண்டியவை

பணமில்லா மருத்துவமனைகள்: உங்கள் ஊரில் (எடுத்துக்காட்டாக சென்னை, கோயம்புத்தூர்) இந்த காப்பீட்டு நிறுவனத்துடன் இணைந்த மருத்துவமனைகள் உள்ளனவா? இது முக்கியம், ஏனெனில் பணம் கட்டாமல் சிகிச்சை பெறலாம்.

முன்பே இருக்கும் நோய்கள்: நீரிழிவு, ரத்த அழுத்தம் போன்றவை இருந்தால், 2-4 வருடம் காத்திருக்க வேண்டியிருக்கும். ஆனால் சில திட்டங்கள் முதல் நாளிலிருந்தே காப்பீடு தரும்.கூடுதல் வசதிகள்: பிரசவம், புதிதாக பிறந்த குழந்தை காப்பீடு வேண்டுமா என்று பாருங்கள்.

எவ்வளவு செலவாகும்?

ஒரு 4 பேர் குடும்பத்துக்கு (2 பெரியவர்கள், 2 குழந்தைகள்), ரூ.10 லட்சம் காப்பீடு எடுத்தால், ஆண்டுக்கு ரூ15,000 முதல் ரூ.25,000 வரை பிரீமியம் இருக்கும். இது உங்கள் குடும்பத்தின் வயது, நோய்கள், நீங்கள் எடுக்கும் காப்பீட்டு தொகையை பொறுத்து மாறுபடும்.

எடுத்துக்காட்டு:

Star Family Health Optima: ரூ,10 லட்சம் காப்பீடு, ஆண்டு பிரீமியம் சுமார் ரூ18,000. இருக்கும்

Tata AIG Medicare: ரூ.15 லட்சம் காப்பீடு, ஆண்டு பிரீமியம் சுமார் ரூ.22,000.

தமிழ்நாட்டில் அரசு திட்டம்

இதெல்லாம் வேண்டாம் தமிழ்நாட்டில் இதற்கு திட்டம் எதுவும் இருக்கிறதா என்று நீங்கள் கேட்டால் அவர்களுக்காகவே முதலமைச்சரின் மருத்துவக் காப்பீட்டு திட்டம் உள்ளது. இது வருமானம் குறைவாக உள்ளவர்களுக்கு இலவசமாக ரூ. 5 லட்சம் காப்பீடு தரும்.

யாருக்கு கிடைக்கும்?

ஒரு ஆண்டு வருமானம் ரூ.1,20,000-க்கு குறைவாக இருப்பவர்கள் என்றால் நிச்சயமாக இந்த திட்டம் உதவும். 

எப்படி வாங்குவது? உங்கள் ரேஷன் கார்டு, ஆதார் அட்டையுடன் அருகிலுள்ள அரசு அலுவலகத்தில் விண்ணப்பிக்கவும்.

என்ன செய்ய வேண்டும்?

உங்கள் குடும்பத்துக்கு எவ்வளவு காப்பீடு தேவை என்று முடிவு செய்யுங்கள் (பரிந்துரை: ரூ.10-15 லட்சம்).

www.policybazaar.com அல்லது Star Health, Tata AIG இணையதளங்களில் சென்று, உங்கள் குடும்ப விவரங்களை உள்ளிட்டு திட்டங்களை ஒப்பிடுங்கள். உங்களுக்கு பிடித்த திட்டத்தை ஆன்லைனில் வாங்குங்கள். இது 10 நிமிடத்தில் முடிந்துவிடும்.இன்னும் சந்தேகம் இருந்தால், Policybazaar-ஐ 1800-4200-269 என்ற எண்ணுக்கு அழைத்து தமிழில் கேளுங்கள்.

முக்கிய குறிப்பு

நீங்கள் சென்னையில் வசிக்கிறீர்கள். உங்கள் குடும்பத்தில் 4 பேர் (நீங்கள், மனைவி, 2 குழந்தைகள்). நீங்கள் Star Health-ல் ரூ.10 லட்சம் காப்பீடு எடுக்கிறீர்கள். ஆண்டுக்கு ரூ. 18,000 செலுத்துகிறீர்கள். உங்கள் மனைவிக்கு திடீரென ஆபரேஷன் தேவைப்படுகிறது. செலவு ரூ.3 லட்சம். நீங்கள் Star Health-உடன் இணைந்த மருத்துவமனையில் சிகிச்சை எடுத்தால், பணம் கட்ட வேண்டாம். காப்பீட்டு நிறுவனம் நேரடியாக பணம் செலுத்தும்.