ஊழியர்கள் ஷாக்... "வாரத்திற்கு 60 மணி நேரம் வேலை செய்ய வேண்டும் "- கூகுள் இணை நிறுவனர் கருத்து.!

கூகிள் நிறுவனம் செயற்கை பொது நுண்ணறிவு (AGI) போட்டியில் பின்தங்கியிருக்க விரும்பவில்லை என்பதால், நிறுவனத்தின் இணை நிறுவனர், தனது ஊழியர்களை வாரத்தில் 60 மணிநேரம் வேலை செய்து தினமும் அலுவலகத்திற்கு வருமாறு அறிவுறுத்தியுள்ளார்.

இது தொடர்பாக செர்ஜி பிரின் பேசுகையில்,"வாரத்திற்கு 60 மணிநேரம் வேலை செய்வது உற்பத்தித்திறனுக்கு சிறந்தது" என்று கூறினார். மேலும், AI மற்றும் AGI (செயற்கை பொது நுண்ணறிவு) தொடர்பான போட்டி மிகவும் அதிகரித்துள்ளது என்றும், இப்போது இந்தப் பந்தயம் அதன் இறுதிக் கட்டத்தில் உள்ளது என்றும் அவர் கூறினார். இதனால், ஊழியர்கள் கடினமாக உழைத்தால், இந்தப் போட்டியில் கூகிள் முன்னேற முடியும் என்று அவர் ஊழியர்களிடம் கூறினார்.

இந்த விவகாரம் குறித்து சமூக வலைத்தளங்களில் கடுமையான விவாதங்கள் நடந்தன. இப்போது கூகிள் தனது ஊழியர்களை 60 மணி நேரம் வேலை செய்ய அறிவுறுத்தியுள்ளது. இந்த உத்தரவு கூகிள் ஊழியர்களுக்கு எந்த மாதிரியான தாக்கத்தை ஏற்படுத்தும் என்பதைப் பொறுத்திருந்துதான் பார்க்க வேண்டும்.