மக்களே உஷார்... கழிப்பறை இருக்கையை விட தலையணையில் அதிக பாக்டீரியா.!

நாம் அடிக்கடி மறந்துவிட்டாலும், கழிப்பறையிலிருந்து வெளியே வருவதற்கு முன்பு சோப்பு போட்டு கைகளைக் கழுவ வேண்டும் என்று குழந்தை பருவத்திலியே நமக்குக் கற்பிக்கப்பட்டுள்ளது. இருப்பினும், அமெரிக்காவில் உள்ள ஒரு தன்னார்வ அமைப்பான நேஷனல் ஸ்லீப் ஃபவுண்டேஷனின் அறிக்கையின்படி, தினமும் பயன்படுத்தப்படும் தலையணை உறைகளில், கழிப்பறை இருக்கை மூடிகளை விட அதிகமான பாக்டீரியாக்கள் மற்றும் கிருமிகள் இருக்கலாம். 

நீங்கள் ஒரு வாரமாக தூங்கிக்கொண்டிருந்த தலையணையைக் கழுவவில்லை என்றால், அது தூசி, பூச்சிகள், பாக்டீரியா, உமிழ்நீர் துகள்கள் மற்றும் வியர்வையால் ஏற்படும் பூஞ்சைகளால் தொற்று ஏற்படக்கூடும். ஒரு வாரத்திற்கு தினமும் பயன்படுத்தப்படும் தலையணை உறைகள் கழுவப்படாமல் இருந்தால், அதில் 17,000 க்கும் மேற்பட்ட வகையான பாக்டீரியாக்கள் இருக்கலாம் என்று ஆராய்ச்சியாளர்கள் குறிப்பிட்டுள்ளனர்.

அந்த பாக்டீரியா தொற்றுகளைத் தவிர்க்க உங்கள் தலையணை உறையை வாரத்திற்கு இரண்டு முறை கழுவ வேண்டும். கழுவாமல் நான்கு வாரங்களுக்குப் பிறகு, தலையணை உறைகளில் சதுர அங்குலத்திற்கு மில்லியன் கணக்கான CFU-கள் இருக்கலாம் என்று அறிக்கை கூறுகிறது. CFU என்பது ஒரு மாதிரியில் உள்ள நுண்ணுயிர் செல்களின் எண்ணிக்கையை ( பாக்டீரியா, பூஞ்சை, வைரஸ்கள் போன்றவை) மதிப்பிடும் ஒரு அலகு ஆகும்.

அதன்படி, அழுக்கு தலையணை உறைகள் உங்களை தீங்கு விளைவிக்கும் பாக்டீரியாக்கள், பூஞ்சைகள் மற்றும் ஒவ்வாமைகளுக்கு ஆளாக்கி, தோல் எரிச்சல், சுவாசப் பிரச்சினைகள் மற்றும் தொற்றுகளை ஏற்படுத்தக்கூடும். படுக்கையைத் தொடர்ந்து கழுவுவது ஆரோக்கியத்திற்கும் தரமான தூக்கத்திற்கும் மிக முக்கியமானது. இந்த தீங்குகளைத் தவிர்க்க, ஒருவர் வாரந்தோறும் தலையணை உறைகளைக் கழுவ வேண்டும் மற்றும் தரமான தூக்கத்திற்கு நல்ல சுகாதாரத்தைப் பின்பற்ற வேண்டும்.