தனியாருக்கு பங்குகளை விற்கும் முடிவில் 3 பொதுத்துறை வங்கிகள்? வெளியான புதிய தகவல்!

இந்த வங்கிகளில் தற்போது அரசாங்கத்திடம் 95 சதவீதம் வரையிலான பங்குகளை வைத்திருக்கிறது. மீதமுள்ள பங்குகள் பொது முதலீட்டாளர்களிடம் உள்ளன. இந்திய பங்குச்சந்தை ஒழுங்குமுறை வாரியமான செபி (SEBI) விதிமுறைகளின்படி பட்டியலிடப்பட்ட அனைத்து நிறுவனங்களும் குறைந்தபட்சம் 25 சதவீத பொது பங்குகளை வைத்திருக்க வேண்டும்.

இந்த ஆண்டு பொதுத்துறை வங்கிகள் பங்கு விற்பது குறித்து ஆராய்வதற்கும், அவர்களின் சந்தை சலுகைகளை மூலோபாய ரீதியாக நிர்ணயிப்பதற்கும் அரசாங்கம் அனுமதித்துள்ளது என்றும் அடுத்த சில ஆண்டுகளில் மேலும் பங்குகள் விற்பனை நடைபெறலாம் என்று தனியார் செய்தி வட்டாரங்கள் தெரிவிக்கின்றன. 

பொதுத்துறை வங்கிகள் கொண்டுள்ள அரசு பங்குகள் : 

• பாரத ஸ்டேட் வங்கி (SBI) - 57.51%.
• பாங்க் ஆஃப் பரோடா (BOB) - 63.97%
• யூனியன் பேங்க் ஆஃப் இந்தியா (UBI) – 74.76%
• பஞ்சாப் நேஷனல் வங்கி (PNB) - 70.08%
• கனரா வங்கி (Canara Bank) - 62.93%
• பஞ்சாப் & சிந்து வங்கி (P&SB) - 98.25%
• இந்தியன் வங்கி (Indian Bank) – 73.84%
• பாங்க் ஆஃப் மகாராஷ்டிரா (BOM) - 86.46%
• பாங்க் ஆஃப் இந்தியா (BOI) - 73.38%
• சென்ட்ரல் பேங்க் ஆஃப் இந்தியா (CBI) – 93.08%
• இந்தியன் ஓவர்சீஸ் வங்கி (IOB) – 96.38%
• யூகோ வங்கி (UCO Bank) - 95.39%