இந்த வருஷம் ஆர்சிபி தான்! ஜியோ ஹாட்ஸ்டாரில் கெத்து காட்டி மிரட்டல் சாதனை!

இந்த சீசன் ஐபிஎல் தொடரில் பெங்களூர் அணி விளையாட்டில் மட்டும் தான் கலக்கிக்கொண்டு இருக்கிறது என்று பார்த்தால் ஜியோ ஹாட்ஸ்டாரிலும் கலக்கி கொண்டு இருக்கிறது. ஏனென்றால், இந்த சீசனில் இதுவரை நடந்து முடிந்த போட்டிகளில் ஜியோ ஹாட்ஸ்டாரில் அதிகம் பார்வையாளர்களை கடந்த 3 போட்டிகள் பெங்களூர் விளையாடிய போட்டிகள் தான் என்ற சாதனையை படைத்திருக்கிறது. இது எந்தெந்த போட்டி எவ்வளவு பார்வையாளர்களை பெற்றிருந்தது என்பது குறித்து விரிவாக பார்ப்போம்.

ராயல் சேலஞ்சர்ஸ் பெங்களூரு (RCB) மற்றும் கொல்கத்தா நைட் ரைடர்ஸ் (KKR) அணிகளுக்கு இடையே நடைபெற்ற இந்தப் போட்டி, ஐபிஎல் 2025 சீசனில் ஜியோஹாட்ஸ்டாரில் அதிகம் பார்க்கப்பட்ட போட்டியாக உள்ளது. 41.7 கோடி பார்வைகளைப் பெற்று முதலிடத்தில் உள்ளது. இந்தப் போட்டி மார்ச் 22, 2025 அன்று கொல்கத்தாவில் உள்ள ஈடன் கார்டன்ஸ் மைதானத்தில் நடைபெற்றது, இதில் ஆர்சிபி 7 விக்கெட் வித்தியாசத்தில் வெற்றி பெற்றது.

ராயல் சேலஞ்சர்ஸ் பெங்களூரு (RCB) மற்றும் சென்னை சூப்பர் கிங்ஸ் (CSK) அணிகளுக்கு இடையிலான இந்தப் போட்டி, ஐபிஎல் வரலாற்றில் மிகவும் பிரபலமான போட்டிகளில் ஒன்றாகக் கருதப்படுகிறது. இது 37.4 கோடி பார்வைகளைப் பெற்று இரண்டாவது இடத்தில் உள்ளது. மார்ச் 28, 2025 அன்று சென்னையில் உள்ள சேப்பாக்கம் மைதானத்தில் நடந்த இந்தப் போட்டியில், ஆர்சிபி 50 ரன்கள் வித்தியாசத்தில் சிஎஸ்கே-யை வீழ்த்தி 17 ஆண்டுகளுக்குப் பிறகு அங்கு வெற்றி பெற்றது. இந்தப் போட்டி ரசிகர்களிடையே பெரும் உற்சாகத்தை ஏற்படுத்தியது.