பத்ரிநாத் பனிச்சரிவு : 57 சாலை தொழிலாளர்களின் நிலை என்ன?

மனா மற்றும் பத்ரிநாத் இடையானான எல்லைப்பகுதியில் மனாவை காஸ்டோலியுடன் இணைக்கும் மாநில தேசிய நெடுஞ்சாலை அமைக்கும் கட்டுமான பணிகள் நடைபெற்றன. அப்போது, இந்த பனிச்சரிவு விபத்து ஏற்பட்டதாக கூறப்படுகிறது.  பனியில் சிக்கிய தொழிலாளர்கள் அனைவரும் எல்லை சாலைகள் அமைப்பில் (BRO) பணிபுரிந்து வந்துள்ளனர். 

உத்தரகண்ட் காவல்துறை தலைமையக செய்தித் தொடர்பாளர் நிலேஷ் ஆனந்த் பர்னே ANI-யிடம் கூறுகையில், "மானாவின் எல்லைப் பகுதியில் சாலைகள் அமைக்கும் பனியின் போது ஒரு பெரிய பனிச்சரிவு ஏற்பட்டுள்ளது. இதில் சாலை கட்டுமானத்தில் ஈடுபட்டிருந்த 57 தொழிலாளர்கள் சிக்கிக் கொண்டுள்ளனர். இந்த தொழிலாளர்களில் 10 தொழிலாளர்கள் மீட்கப்பட்டு, ஆபத்தான நிலையில் மனாவிற்கு அருகிலுள்ள ராணுவ முகாமுக்கு சிகிச்சைக்காக அனுப்பப்பட்டுள்ளனர்" என்று கூறினார். பனிச்சரிவில் சிக்கியது 57 தொழிலாளர்கள் என BRO (எல்லை சாலைகள் அமைப்பு) நிர்வாகப் பொறியாளர் CR மீனா ANIயிடம் உறுதிப்படுத்தினார்.

தொடர்ந்து பனிப்பொழிவு மற்றும் மழை பெய்து வருவதால், தேசிய பேரிடர் மீட்புப் படை (NDRF) மற்றும் SDRF குழுக்கள் விபத்து நடந்த இடத்திற்கு தற்போது சென்று மீட்புப்பனியில் ஈடுபட்டு வருகின்றனர். 

இமாச்சலப் பிரதேசத்தில் அதிக உயரமுள்ள பகுதிகளில் பனிச்சரிவு ஏற்பட வாய்ப்பு இருக்கிறது என வானிலை துறை முன்னதாக எச்சரிக்கை விடுத்து இருந்தது என கூறப்படுகிறது. அந்த எச்சரிக்கை வெளியான அடுத்த சில தினங்களில் இந்த பனிச்சரிவு ஏற்பட்டுள்ளது.