வார முதல் நாளில் கடும் சரிவை சந்தித்த பங்குச்சந்தை! இன்றைய நிலவரம் இதோ…

வார விடுமுறை தினம் முடிந்து இன்று வார தொடக்கத்திலேயே பங்கு சந்தை சரிவில் நிறைவடைந்துள்ளது. இன்றயை நிலவரப்படி (ஜனவரி 6)  தேசிய பங்குச்சந்தை (NSE) நிஃப்டி குறியீடு எண் 388.70  (-1.62%) புள்ளிகள் அளவுக்கு குறைந்து 23,616.05 என்கிற அளவில் வர்த்தகம் நிறைவடைந்திருக்கிறது. இன்று முழுவதும் சரிவை கண்ட நிஃப்டி குறைந்தபட்சம் 23,551.90 என்ற அளவிலும் அதிகபட்சமாக 24,089.95 என்ற அளவு வரையிலும் சென்றது. 

அதைப்போல, மும்பை பங்குச்சந்தை (BSE) சென்செக்ஸ் நிலவரத்தை பொறுத்தவரையில், இன்று  77,781.62 முதல் 79,532.674 வரை வர்த்தகமானது. இறுதியில், 1258.12 புள்ளிகள் சரிந்து (-1.59%) 77,964.99 என்ற அளவில் சென்செக்ஸ் சந்தை முடிவடைந்தது.

நிஃப்டி 50 உடன் ஒப்பிடுகையில், மிட்கேப் குறியீடு சற்று பின்தங்கியது, நிஃப்டி மிட்கேப் 50யானது 2.68% அளவு சரிவில் முடிவடைந்தது. நிஃப்டி ஸ்மால் கேப் 100ஆனது 608.45 புள்ளிகள் குறைந்து, 3.2% என்ற அளவில் சரிவை சந்தித்து 19,033.70 என்ற அளவில் முடிவடைந்துள்ளது. 

எந்தெந்த நிறுவனங்கள் இன்று உயர்வை கண்டது..எந்தெந்த நிறுவனங்கள் சரிவை கண்டது என்பது பற்றியும் கீழே காணலாம்… 

சென்செக்ஸ் : 

சரிவுடன் நிறைவடைந்த இன்றைய மும்பை பங்கு சந்தை (BSE) நிலவரப்படி, டைட்டன் நிறுவனம் (+0.60%), HCL டெக்னாலஜிஸ் (+0.26%) ஆகிய நிறுவனங்கள் மட்டுமே சற்று ஏற்றத்தை கண்டன. 

டாடா ஸ்டீல் (-4.41%), NTPC (-3.65%), கோட்டக் மஹிந்திரா வங்கி (-3.26%), பவர் கிரிட் கார்ப்பரேஷன் ஆஃப் இந்தியா (-3.19%), இண்டஸ்லண்ட் வங்கி (-2.85%) ஆகிய நிறுவனங்கள் சரிவை கண்டன. 

நிஃப்டி :

இந்திய பங்குச்சந்தை (NSE) நிஃப்டியில், அப்பல்லோ ஹாஸ்பிடல்ஸ் எண்டர்பிரைஸ் (+1.79%), டாடா நுகர்வோர் (+0.79%), டைட்டன் கம்பெனி (+0.54%), HCL டெக்னாலஜிஸ் (+0.33% ) ஆகிய நிறுவனங்கள் ஏற்றத்தை கண்டன. 

டாடா ஸ்டீல் (-4.47%), ட்ரெண்ட் (-4.23%), பாரத் பெட்ரோலியம் கார்ப்பரேஷன் (-3.90%), கோல் இந்தியா (-3.79%), என்டிபிசி (-3.63%) ஆகிய நிறுவனங்கள் சரிவை சந்தித்தன.