- தமிழ் நாடு கூட்டுறவு வங்கி ஊழியர்களின் வேலைநிறுத்தம் ஒத்திவைப்பு; கோரிக்கைகள் இன்னும் நிலுவையில்
- அரசின் கொள்கைகளால் நெருக்கடியில் தவிக்கும் ரப்பர் விவசாயிகள்
- வங்கிகள் இணைப்பு மற்றும் கிளைகள் மூடல்: தனியார்மய அச்சுறுத்தலை எதிர்கொள்ளும் பொதுத்துறை வங்கிகள்
- ஊடக சுதந்திரத்தைக் காக்க ஊடகவியலாளர்கள், அரசியல் கட்சி தலைவர்களுடன் ஆர்பாட்டத்தில் ஈடுபட்ட பொதுமக்கள்
வாரத்தின் தொடக்கத்திலேயே கடும் சரிவை சந்தித்து வரும் இந்திய பங்குச்சந்தை!
ஜனவரி 13 தேசிய பங்குச்சந்தை (NSE) நிஃப்டி 345.55 புள்ளிகள் குறைந்து 23,085.95 எனவும், மும்பை பங்குச்சந்தை (BSE) சென்செக்ஸ் 1,048.90 புள்ளிகள் குறைந்து 76,330.01 எனவும் நிறைவு பெற்றுள்ளன.
Author: Kanal Tamil Desk
Published: January 13, 2025
கடந்த வாரம் போலவே சரிவை நோக்கி இந்த வார பங்கு சந்தை செல்லப்போகிறதோ என்ற அறிகுறியை இந்திய பங்குச்சந்தை நிலவரம் வெளிக்காட்ட தொடங்கி உள்ளது. இந்த வார தொடக்கத்தில் கடும் சரிவை இந்திய பங்குச்சந்தை சந்தித்து சரிவுடன் நிறைவடைந்ததுள்ளது.
ஜனவரி 13 நிலவரப்படி தேசிய பங்குச்சந்தை (NSE) நிஃப்டி குறியீடு எண் 345.55 (-1.47%) புள்ளிகள் அளவுக்கு குறைந்து 23,085.95 என்கிற அளவில் வர்த்தகம் நிறைவடைந்திருக்கிறது. இன்று முழுவதும் சரிவை கண்ட நிஃப்டி குறைந்தபட்சம் 23,074.25 என்ற அளவிலும் அதிகபட்சமாக 23,340.95 என்ற அளவு வரையிலும் சென்றது.
அதேபோல, மும்பை பங்குச்சந்தை (BSE) சென்செக்ஸ் நிலவரத்தை பொறுத்தவரையில், இன்று 76,249.72 புள்ளிகள் முதல் 77,128.35 புள்ளிகள் வரை வர்த்தகமானது. இறுதியில், 1,048.90 புள்ளிகள் சரிந்து (-1.36%) 76,330.01 என்ற அளவில் இன்றைய மும்பை பங்குச்சந்தை முடிவடைந்தது.
நிஃப்டி 50 உடன் ஒப்பிடுகையில் மிட்கேப் பங்குகள் குறைவாகச் செயல்பட்டது, நிஃப்டி மிட்கேப் 50யானது, 4.04% குறைந்துள்ளது. ஸ்மால்-கேப் பங்குகளும் இன்று பின்னடைவை சந்தித்தன. நிஃப்டி ஸ்மால் கேப் 100ஆனது 4.1% அளவுக்கு குறைந்து 17,645.55 இல் முடிந்தது.
எந்தெந்த நிறுவனங்கள் இன்று உயர்வை கண்டது, எந்தெந்த நிறுவனங்கள் சரிவை கண்டது என்பது பற்றியும் கீழே காணலாம்…
சென்செக்ஸ் :
மும்பை பங்குசந்தை (BSE) சென்செக்ஸில் அதிக லாபம் ஈட்டியவர்கள் பட்டியலில் ஆக்சிஸ் வங்கி (+0.78%), டாடா கன்சல்டன்சி சர்வீசஸ் (+0.62%), ஹிந்துஸ்தான் யூனிலீவர் (+0.45%), இண்டஸ்லண்ட் வங்கி (+0.41%) ஆகிய நிறுவனங்கள் உள்ளன.
அதிக நஷ்டமடைந்தவர்கள் பட்டியலில் பவர் கிரிட் கார்ப்பரேஷன் ஆஃப் இந்தியா (-4.09% சரிவு), டாடா ஸ்டீல் (-3.49%), என்டிபிசி (-3.23%), டாடா மோட்டார்ஸ் (-3.06%), மஹிந்திரா & மஹிந்திரா (-2.99%) ஆகிய நிறுவனங்கள் உள்ளன .
நிஃப்டி :
தேசிய பங்குச்சந்தை (NSE) நிஃப்டியில், அதிக லாபம் ஈட்டியவர்கள் பட்டியலில் ஆக்சிஸ் வங்கி (+0.83%), டாடா கன்சல்டன்சி சர்வீசஸ் (+0.60%), இண்டஸ்லேன்ட் வங்கி (+0.44%), ஹிந்துஸ்தான் யூனிலீவர் (+0.37%) ஆகிய நிறுவனங்கள் உள்ளன.
அதிக நஷ்டம் அடைந்தவர்கள் பட்டியலில் அதானி எண்டர்பிரைசஸ் (-6.29%), ட்ரெண்ட் (-5.46%), பாரத் பெட்ரோலியம் கார்ப்பரேஷன் (-4.45%), பாரத் எலக்ட்ரானிக்ஸ் (-4.21%), அதானி போர்ட்ஸ் & சிறப்புப் பொருளாதார மண்டலம் (-4.10%) ஆகிய நிறுவனங்கள் உள்ளன.