ஏற்றம் கண்ட இன்றைய பங்குச்சந்தை நிலவரம்!
ஜனவரி 16-ல் தேசிய பங்குச்சந்தை (NSE) நிஃப்டி 98.60 புள்ளிகள் உயர்ந்து 23,311.80 எனவும், மும்பை பங்குச்சந்தை (BSE) சென்செக்ஸ் 318.74 புள்ளிகள் சரிந்து 77,042.82 எனவும் நிறைவு பெற்றுள்ளன.
Author: Kanal Tamil Desk
Published: January 16, 2025
இந்த வார தொடக்கத்தில் சற்று சரிவை சந்தித்த இந்திய பங்குச்சந்தை இன்று ஏற்றத்துடன் நிறைவு பெற்றுள்ளது. ஜனவரி 16 நிலவரப்படி தேசிய பங்குச்சந்தை (NSE) நிஃப்டி குறியீடு எண் 98.60 (+0.42%) புள்ளிகள் அளவுக்கு ஏற்றம் கண்டு 23,311.80 என்கிற அளவில் வர்த்தகம் நிறைவடைந்திருக்கிறது. இன்று முழுவதும் ஏற்ற இறக்கத்தை கண்ட நிஃப்டி குறைந்தபட்சம் 23,272.05 என்ற அளவிலும் அதிகபட்சமாக 23,391.65 என்ற அளவு வரையிலும் சென்றது.
அதேபோல, மும்பை பங்குச்சந்தை (BSE) சென்செக்ஸ் நிலவரத்தை பொறுத்தவரையில், இன்று 76,895.51 புள்ளிகள் முதல் 77,319.5 புள்ளிகள் வரை வர்த்தகமானது. இறுதியில், 318.74 புள்ளிகள் உயர்ந்து (+0.42%) 77,042.82 என்ற அளவில் இன்றைய மும்பை பங்குச்சந்தை முடிவடைந்தது.
மிட்கேப் குறியீடு நிஃப்டி 50ஐ விட அதிக அளவில் வர்த்தகமானது. நிஃப்டி மிட்கேப் 50யானது, 0.62% வரை உயர்ந்தது. கூடுதலாக, ஸ்மால்-கேப் பங்குகள் நிஃப்டி 50ஐ விட சிறப்பாக செயல்பட்டது. நிஃப்டி ஸ்மால் கேப் 100ஆனது 17,353.95-ல் முடிவடைந்தது. இது 289.35 புள்ளிகள் அல்லது 1.67% உயர்வை காட்டுகிறது.
எந்தெந்த நிறுவனங்கள் இன்று உயர்வை கண்டது, எந்தெந்த நிறுவனங்கள் சரிவை கண்டது என்பது பற்றியும் கீழே காணலாம்…
சென்செக்ஸ் :
மும்பை பங்குசந்தை (BSE) சென்செக்ஸில் அதிக லாபம் ஈட்டிய நிறுவனங்களின் பட்டியலில் ஸ்டேட் பேங்க் ஆஃப் இந்தியா (+1.64%), பஜாஜ் ஃபின்சர்வ் (+1.47%), பார்தி ஏர்டெல் (+1.46%), டாடா மோட்டார்ஸ் (+1.43%), இண்டஸ்லண்ட் வங்கி (+1.41%) ஆகிய நிறுவனங்கள் உள்ளன.
அதிகம் நஷ்டம் அடைந்தவர்கள் பட்டியலில் HCL டெக்னாலஜிஸ் (-1.87%), விப்ரோ (-1.54%), நெஸ்லே இந்தியா (-1.38%), இன்ஃபோசிஸ் (-1.21%), ஹிந்துஸ்தான் யூனிலீவர் (-1.15%) ஆகிய நிறுவனங்கள் உள்ளன.
நிஃப்டி :
தேசிய பங்குச்சந்தை (NSE) நிஃப்டியில், அதிக லாபம் ஈட்டியவர்கள் பட்டியலில் ஹெச்டிஎஃப்சி லைஃப் இன்சூரன்ஸ் நிறுவனம் (+7.94%), பாரத் எலக்ட்ரானிக்ஸ் (+3.10%), எஸ்பிஐ லைஃப் இன்சூரன்ஸ் நிறுவனம் (+2.77%), ஸ்ரீராம் ஃபைனான்ஸ் (+2.55%), எண்ணெய் மற்றும் இயற்கை எரிவாயு கார்ப்பரேஷன் (+1.94%) ஆகிய நிறுவனங்கள் உள்ளன.
அதிக நஷ்டமடைந்தவர்கள் பட்டியலில் ட்ரெண்ட் (-2.80%), டாக்டர் ரெட்டிஸ் லேபரட்டரீஸ் (-2.58%), டாடா நுகர்வோர் (-1.87%), HCL டெக்னாலஜிஸ் (-1.83%), விப்ரோ (-1.57%) ஆகிய நிறுவனங்கள் உள்ளன.
No comments yet.