வார முதல் நாளில் ஏற்றம் கண்ட பங்குச்சந்தை! நிலவரம் இதோ…

இந்த வார முதல் நாளான ஜனவரி 20 நிலவரப்படி தேசிய பங்குச்சந்தை (NSE) நிஃப்டி குறியீடு 0.61% அதிகரித்து 23,203.2 இல் வர்த்தக அமர்வை முடித்தது. நாள் முழுவதும், நிஃப்டி அதிகபட்சமாக 23,391.1 ஆகவும், குறைந்தபட்சமாக 23,170.65 ஆகவும் இருந்தது.

அதேபோல, மும்பை பங்குச்சந்தை (BSE) சென்செக்ஸ் 77,318.94 மற்றும் 76,584.84 க்கு இடையில் ஏற்ற இறக்கமாக இருந்தது, இறுதியில் 0.59% உயர்ந்து 76,619.33 இல் முடிந்தது, இது அதன் தொடக்க விலையை விட 454.11 புள்ளிகள் உயர்வாகும். 

நிஃப்டி மிட்கேப் 50யானது 1.05% அதிகரிப்பைப் பதிவு செய்தது. ஸ்மால்-கேப் பங்குகளும் நிஃப்டி 50 செயல்திறனை மிஞ்சியது, நிஃப்டி ஸ்மால் கேப் 100ஆனது, 17,672.05 புள்ளிகள் என்ற அளவில் நிறைவடைந்தது, இது 192.6 புள்ளிகள் அல்லது 1.09% அதிகரிப்பை கண்டுள்ளது. 

எந்தெந்த நிறுவனங்கள் இன்று உயர்வை கண்டது, எந்தெந்த நிறுவனங்கள் சரிவை கண்டது என்பது பற்றியும் கீழே காணலாம்… 

சென்செக்ஸ்:

அதிக லாபம் ஈட்டியவர்கள்: கோடக் மஹிந்திரா வங்கி 9.15%, விப்ரோ 6.49%, பஜாஜ் ஃபைனான்ஸ் 3.58%, பஜாஜ் ஃபின்சர்வ் 3.18%, என்டிபிசி 2.96% வரை என்ற அளவில் இலாபத்தை கண்டுள்ளனர். 

டாடா கன்சல்டன்சி சர்வீசஸ் 1.18% , மஹிந்திரா & மஹிந்திரா 0.99% , மாருதி சுஸுகி இந்தியா 0.80% , டாடா மோட்டார்ஸ் 0.67% , ஐடிசி 0.58% என்ற அளவில் அந்தந்த நிறுவனங்கள் சரிவை சந்தித்தன.

நிஃப்டி :

அதிக லாபம் ஈட்டியவர்கள் பட்டியலில் கோடக் மஹிந்திரா வங்கி 9.21%, விப்ரோ 6.49%, பஜாஜ் ஃபைனான்ஸ் 3.59%, பஜாஜ் ஃபின்சர்வ் 3.25%, என்டிபிசி 3.04% வரை அந்தந்த நிறுவனங்கள் உயர்வை கண்டன. 

அதிக நஷ்டம் அடைந்தவர்கள் பட்டியலில் எஸ்பிஐ லைஃப் இன்சூரன்ஸ் நிறுவனம் 2.65% சரிவு, டிரெண்ட் 2.04% சரிவு, ஸ்ரீராம் ஃபைனான்ஸ் 1.86% சரிவு, அதானி போர்ட்ஸ் & சிறப்புப் பொருளாதார மண்டலம் 1.27% சரிவு, ஹெச்டிஎஃப்சி லைஃப் இன்சூரன்ஸ் நிறுவனம் 1.27% என்ற அளவில் அந்நிறுவனங்கள் சரிவை சந்தித்து வருகின்றன.