வக்ஃபு சட்டத்திருத்தம் : உச்சநீதிமன்றத்தில் தவெக தலைவர் விஜய் வழக்கு!

வக்ஃபு சட்த்திருத்தத்திற்கு எதிராக திமுக, காங்கிரஸ் உள்ளிட்ட பல்வேறு கட்சிகள் ஏற்கெனவே உச்ச நீதிமன்றத்தில் வழக்கு தொடர்ந்து உள்ள நிலையில் தற்போது தவெக தலைவர் விஜயும் வழக்கு தொடர்ந்துள்ளார்.

இதற்கிடையே, தமிழக சட்டப்பேரவையில் மசோதாவை திரும்பப் பெற வலியுறுத்தி தமிழ்நாடு முதலமைச்சர் மு.க.ஸ்டாலின் தீர்மானம் நிறைவேற்றப்பட்டதோடு, திமுக சார்பில் உச்ச நீதிமன்றத்தில் வழக்கும் தொடரப்பட்டுள்ளது. இதேபோல், பல்வேறு கட்சிகளும் உச்ச நீதிமன்றத்தில் மசோதாவுக்கு எதிராக வழக்குத் தொடர்ந்துள்ளன.

பல்வேறு கட்சியினர் வழக்கு தொடர்ந்துள்ள நிலையில், தவெக தலைவர் விஜய்யும் உச்ச நீதிமன்றத்தில் வழக்குத் தொடர்ந்துள்ளார். முன்னதாக மசோதாவை திரும்பப் பெற வலியுறுத்தி தவெக பொதுக்குழுவில் தீர்மானம் நிறைவேற்றப்பட்டது. மேலும், மசோதா நிறைவேற்றத்துக்கு கண்டனம் தெரிவித்து மாநிலம் தழுவிய அளவில் போராட்டமும் நடத்தப்பட்டது.