சின்னத்திரைக்கும் சென்சார் போர்டு வேண்டும்! உயர்நீதிமன்றத்தில் புதிய மனு!

மதுரை சேர்ந்த ரமேஷ் என்பவர் தொலைக்காட்சி தொடர்கள் மற்றும் விளம்பரங்களை முறைப்படுத்த சின்னத்திரை தணிக்கை வாரியம் அமைக்க உத்தரவிடக்கோரி பொதுநல வழக்கை சென்னை உயர் நீதிமன்றம் மதுரை கிளையில் தாக்கல் செய்திருந்தார்  அந்த வழக்கில் , மத்திய தொலைத்தொடர்பு ஒழுங்குமுறை ஆணையம் (TRAI) பதிலளிக்க சென்னை உயர் நீதிமன்றம் மதுரை அமர்வு உத்தரவிட்டுள்ளது.

தொலைக்காட்சியில் ஒளிபரப்பப்படும் சீரியல்கள் எந்தவொரு தணிக்கைக்கும் உட்படவில்லை. முறை தவறிய உறவுகள், பிறருக்கு கெடுதல் செய்யும் செயல்கள், தனக்கு வேண்டியதை பெற எதையும் செய்யும் தவறான வாழ்க்கை வழிமுறைகள் இந்த தொடர்களில் கற்பிக்கப்படுகின்றன. அதோடு சில சமயங்களில் வரம்பை மீறிய ஆபாச காட்சிகள் மற்றும் ஆபாசமாக உடை அணிந்த காட்சிகளும் ஒளிபரப்பப்படுகின்றன.

அதேவேளை, அந்த வாரியத்தின் சான்றிதழை பெறாமல் தொடர்கள் மற்றும் விளம்பரங்கள் ஒளிபரப்பப்படாமல் உறுதி செய்ய வேண்டும். இவற்றை மீறுபவர்களுக்கு கூடுதல் அபராதம் விதிக்கவும் உத்தரவு செய்ய வேண்டும், என்று ரமேஷ் மனு அளித்து பொதுநல வழக்கில் கோரியிருந்தார்.